إستشاري تطوير الأعمال والإعلام الرقمي
أن الأوان انك تعرف يعني إيه بياناتي الشخصية وازاي أحافظ عليها مهم جداً انك تدور وتسأل متستناش حد يقولك كل حاجه بقت موجوده حوالينا وسهل نوصل للمعلومة ، تأمين بياناتك الشخصية يبدأ من خطوة الوعي بأهميتها وخصوصاً لو الموضوع متعلق بحساباتك البنكية (فلوسك ومدخراتك) .
مهم تعرف ان ”المحتال” بيستغل انك مش عارف وبيطمنك الأول من خلال مكالمة تليفون وعلي فكرة ممكن تلاقي المكالمة من رقم مختصر أو ( رقم مجهول ) هتلاقيه بيقولك أنا خدمة عملاء البنك وده لانه عايز يكتسب ثقتك في البداية مفيش بنك بيتصل بيك يطلب منك رقمك السري لأن البنك نفسه مش بيحتاج يعرفه او يطلبه منك الحاجه المهمة إن البنك مبيطلبش تحديث بيانات لو محتاج ده بيطلب منك التوجه لاقرب فرع ” مهم تعرف ” ان لو جالك كود في رسالة نصية باسم البنك ده حاجتين الاولي لو بتشتري اونلاين او بتدفع من منصة دفع الكتروني وبيتم من خلال الكارت البنكي المربوط بحسابك لما بتسجله في المعاملة بيتم ارسال كود علي رقمك المسجل بالبنك علشان تدخل الكود المرسل في الموقع الي هتشتري منه وده بيتم في اقل من ثواني وبيتغير خلال الثواني المنتهية وبيطلب منك اعادة ارسال الكود وده علشان يتاكد من صاحب المعاملة الموثقة فقط وهنا لازم تطمن ان الموقع الي بتشتري منه هو موقع رسمي وسليم مش اي موقع نشتري منه او ندخل عليه بيانات الكارت.
الكود الي بيوصلك ده زي الرقم السري مفيش حد بيكلمك يطلبه منك نهائياً وانت بتسجل بيانات الكارت علي الموقع في رمز الأمان خلف الكارت CVV2 وهو مكون من ٣ ارقام ده مهم جدا يكون مخفي انت فقط الي تكون عارفه واكرر أهمية انك تتاكد ان الموقع الي بتتعامل معاه موثق وسليم متوافقش وانت بتدخل بيانات الكارت في الموقع الالكتروني علي ( الملء التلقائي للبيانات ) أو ( هل تريد حفظ بيانات الكارت ) وده علشان مفيش حد يستغل البيانات من جهازك او هاتفك المحمول.
إذا كنت لا تستخدم جوجل كروم كمتصفح، فيمكنك أيضاً التأكد إذا كان هذا الموقع مثبت به شهادة SSL عبر التأكد من إن عنوان الموقع يبدأ بـ (https) و ليس http.
إحذر من انزال اي تطبيقات علي جهازك مجهولة المصدر وخد من وقتك وإقرأ معلومات الخصوصية قبل تحميل التطبيق علي هاتفك.
اي رسالة فيها رابط زي مثلاً ( الحق عروض او خصومات ) ( حدث بياناتك علشان تفوز بنقاط وهدايا ) ( سجل معانا وإكسب كارت خصومات … ) وغيرها من الرسائل الي بتستهدف بياناتك.
انت الأن في عصر المعاملات الالكترونية فكن حذراً وان لم تعلم فيمكنك الاتصال بالبنك التابع لله والتاكد او طلب معلومات أخري موثقة ، أمانك هو مسؤوليتك واناشد كافة الجهات ان يهتموا الفترة القادمة بزيادة الوعي الرقمي وكذلك وعي عملاءه نحن في مجتمع بينطلق ويتطور ومهمتنا جميعا ان تكاتف لزيادة الوعي ليصبح المجتمع آمن ومستقر.
