حسن هيكل: مشروع رأس الحكمة فرصة لانطلاقة جديدة.. ويخفض سعر الدولار في السوق السوداء لـ45 جنيهًا

رد الاقتصادي حسن هيكل، على عدد من الأسئلة المثارة حول مشروع رأس الحكومة الذي أعلنته الحكومة المصرية بالشراكة مع الحكومة الإماراتية.

وقال هيكل في تغريدة على حسابه الشخصي بموقع X تويتر سابقًا، هناك أسئلة مشروعة وبعض الأجوبة عن صفقة رأس الحكمة: هل كان لازم مناقصة ؟ السعر؟ هل العقد لازم يخضع لقانون غير مصري ؟ هل ده فنكوش !:)؟ هل ينشر العقد ؟ هل ده كفاية لحل المشاكل الاقتصادية ؟ ماذا سيحدث لسعر الدولار ؟ هل استثمار الإمارات فيها شق سياسي ؟

١. بهذا المبلغ كقيمة اجمالية ومدفوعة كاش لا يوجد إلا دولة تعملها، محدش عنده ولا القدرة المالية ولا التنفيذية لمشروع فيه هذا الحجم فطبيعي تتجه لمفاوضات مباشرة. كل المطورين لا يدفعوا قيمة كده وكاش مقدما. كما انه بدايات الحل الاقتصادي محتاج هزة إيجابية للمنظومة بمبلغ ضخم فأهمية الصفقة في حجمها؛

٢. السعر لو أتقسم على مساحة الارض هو ١٥٠-٢٠٠دولار للمتر مدفوع مقدما بالاضافة إلى ٣٥٪ من الأرباح، ده شامل الارض اللي على البحر واللي ورا وبدون مرافق ومدفوع مقدما. لو الدولار ب ٥٠ يبقى ٧٥٠٠-١٠ الاف جنية المتر، يبدو جيدا خصوصا ولسه حيستثمروا في بنية تحتية، مطار، ميناء، حدائق، الخ. أضف انه مفيش حاجة اسمها سعر عادل لمساحة كده والدفع كاش، لانه مفيش غالبا غير مشتر واحد؛

٣. تخييل حضرتك انه حد بيدفع ٣٥ مليار دولار كاش او تحويل ودائع للمصري (اي تخفيض مديونية) ويطلب منه انه في حالة نزاع يخضع للقانون المصري وفي المحاكم المصرية ؟ حضرتك تقبل انه تكون بتشتري من الدولة ارض ولو حصل خلاف تقف امام محكمة مصرية في نزاع امام الدولة ؟ عقود كتيرة بتبقى خاضعة لقانون غير مصري و تحكيم دولي. الحل انه ننفذ الالتزامات ونبتعد عن المخالفات؛

٤. مش فنكوش لسبب بسيط انه فيه موعدين اتقالوا، اسبوعين ل١٥ مليار، الباقي شهرين، أضف انه الطرف المشتري هو اكبر صندوق سيادي في المنطقة فمهواش كلام مسترسل. واللي مستثمر مبلغ كده حيجري ورا فلوسه ويطور وينفذ علشان يكسب؛

٥. العقود عامة فيها بند سرية، ولكن بسبب اهمية وضخامة الموضوع يجب نشر البنود الأساسية منه؛

٦. اللي حصل يدي فرصة لانطلاقة جديدة، يجب ان ترتبط بإعادة النظر في الأولويات وحديث جدي عن دور الدولة والأجهزة في الاقتصاد، عن برامج حماية لتحقيق الحد الادني للمواطنة، عن خطة حقيقية للتعليم والتأمين الصحي اللي يرضي ربنا، لإطلاق العنان للقطاع الخاص خصوصا الشركات الصغيرة والمتوسطة المدبوحة، لتجميع مساهمات الدولة بما فيها الأجهزة في مظلة واحدة، الخ …. يرتبط ذلك ايضا بإدارة الدولة اقتصاديا بطريقة مختلفة وبكفاءات مختلفة. لو ده حصل البلد تطير، لو لأه حيبقى فرصة أخرى ضائعة لحل مشاكل البلد اقتصاديا؛

٧. الرد انه لازم يخفض العملة لغالبا ٤٠-٤٥ جنيه (ده رأي ومعنديش اي معلومة) اول ما ياخد المقدم خلال اسبوعين. المبالغ ديه بالإضافة لمبلغ صندوق النقد يحل المشكلة مرحليا. حل المشكلة  من بابها مرتبط بالرد على رقم ٦ هنا؛

٨. بالتاكيد استثمار بهذا الحجم مرتبط بدافع سياسي، محدش بيحط ٣٥ مليار دولار في ظل احوال  اقتصادية سيئة إلا ويكون عنده هدف سياسي كمان، ايه هو …. ممكن يكون التزام اخوي بمساعدة مصر في شكل استثمار بدلا من ودائع، او حاجات معرفهاش.

إقرأ أيضًا

صفقة “رأس الحكمة” تخفض الدين الخارجي بقيمة 11 مليار دولار

ADQ القابضة: بدء العمل في مشروع تطوير مدينة رأس الحكمة مطلع 2025