قررت منصة الفجالة دوت كوم لبيع الأدوات المكتبية والمدرسية أونلاين انهاء عملياتها بالسوق المحلية يوم 31 مارس الجاري.
وقال أحمد إبراهيم ، مؤسس المنصة ، أن الأخيرة اتخذت القرار بعد تجربة أكثر من بيزنس موديل من خدمات التجارة الألكترونية إلا أن الوضع الحالي أصبح غير مجد – على حد تعبيره – لطبيعة العميل والسوق فى الصناعة مما جعل الموضوع موسمي بالنسبة لبعض العملاء.
وتابع قائلا : بالنسبة لفجالة فخور بالمجهود اللي تم بذله فيها و بالنتائج التي حققتها و بال customer base اللي تعلق بالبراند و ربما يكون ده نواة جيدة جدا للمشتري اللي هنستقر عليه من الصناعة لو اشتراه و شغله و وفر له احتياجاته وده اللي بنسعى فيه حاليا .
واستطرد : احنا خدنا القرار في لحظة فيها استقرار بعد ما عدينا من ازمة كورونا و صمدنا فيها بفضل الله ثم فضل الفريق الحالي اللي تحمل كثيرا من أجل إكمال التجربة , خدنا القرار والشركة فيها قدر من الكاش مش مفلسة أو مضطرة , خدناه و لسه فيه فرص للاستثمار لغاية من ايام بتتفتح لنا من المستثمرين الحاليين او الكيانات المساعدة فى الايكو سيستم (قبل ما نحسم القرار و نناقشهم فيه) بس حبينا نتصرف بشكل أخلاقي اول ما حسمنا القرار واننا طالما أمننا ان الموضوع مش هيمشي نكون واضحين مع الجميع قبل ما يحرقوا فلوسهم و نوضح لهم ده منعا لمزيد من النزيف ومتكنش القضية raising و خلاص او لبس طاقية ده لده .
